तिनाउ ५ चौविसमाइलमा स्वास्थ्य शिविर, १ सय ७२ जना लाभान्बित

तिनाउ राष्ट्रिय समाचार

पाल्पा
१३ मंसिर
तिनाउ गाउपालिका वडा नं. ५ चौविसमाईलमा रहेको कल्याणी आधारभुत विद्यालयले एक दिने निशुल्क स्वास्थ्य शिविरको आयोजना गरेको छ । स्वास्थ्य शिविरमा विद्यालयका शिक्षक, विद्याथी, र अभिभावकहरुले निशुल्क स्वास्थ्य सेवा लिएका छर्न । स्वास्थ्य शिविरमा लुम्विनी मेडिकल कलेजका डाक्टरहरुले स्वास्थ्य परिक्षण र निशुल्क औषधी वितरण गरेका थिए ।

तिनाउ गाउपालिका अध्क्षय ओम बहादुर घर्तीमगरले अहिलेको समय र मौषम अनुसार आयोजित स्वास्थ्य शिविर महत्वपुर्ण रहेको भन्दै सहयोग गरेकोमा लुम्विनी मेडिकल कलेजका डाक्टरहरु र व्यवस्थापन समितिलाई धन्यवाद ज्ञापन गर्नु भएको थियो । उक्त शिविरमा जटिल समस्या भएकाहरुलाइ अस्पतालमानै रिफर गरिएको र १ सय ७२ जनाले स्वास्थ्य परिक्षण गरेको विद्यालयका प्रध्यानाध्यापक सुन्दर गाहाले जानकारी दिनुभयो ।