डेरी उद्योगमा विदेशी लगानी आउदा स्वदेशी डेरी धरापमा

रामपुर समाचार

पाल्पा– नेपाल डेरी एसोसियशन केन्द्रीय अध्यक्ष राधाकृष्ण सापकोटाले दुधको मूल्य देखि गुणस्तरसम्म राज्यको निगरानी रहेकोले गुणस्तर कायम हुनेमा विश्वस्त हुन आग्रह गर्नुभयो ।
नेपाल डेरी एसोसियशनको बैठक पछि पाल्पामा पत्रकार सम्मेलनको आयोजना गरी अध्यक्ष सापकोटाले भदौ १ गतेदेखि लागु हुने गरी दूधको मुल्यमा ६ रुपैयाँ बढाएको बताउनुभएको छ ।
नेपालमा उत्पादित दुध एसियाको सवै भन्दा महग्रो दुध पर्छ । लगत मुल्य बढी भएकोले दुधको मुल्य महग्रो हुन गएको अध्यक्ष सापकोटाले बताउनुभयो ।
महासचिव प्रल्हाद दाहालले डेरी उद्योगमा विदेशी लगानी आउदा स्वदेशी डेरी धरापमा बताउनुभयो । उहाँले विदेश लगानी स्वदेशमा भित्रिए स्वदेशका डेरी बन्द हुने र २० अर्बको डेरी उद्योग जोखिममा पर्ने बताए ।
पूर्वअध्यक्ष मेघराज भण्डारीले उपभोक्ताले गुणस्तरीय दुध पाउनुपर्ने र किसानले उचित मुल्य पाउनुपर्ने लक्ष्यका साथ हामी लागेको छौं, गुणस्तरीय दुध नपाउने विषयमा हामी स्वीकार गर्दौ ।
प्रशोधन गरेको दुधका बारेमा पर्याप्त प्रचार हुन सकेको छैन । मानिसहरुले प्याकेजको दुध खान चाहदैन, प्याकेजको दुधप्रति विश्वास नहुदा उपभोक्ता झनै समस्या खेपेका छन् ।
बाहिर देख्दा डेरी सञ्चालक सुकीला मुकिला देखिएपनि समस्या प्रशस्तै रहेको छन् । महासचिव दाहालका अनुसार श्रम ऐन २०७५ पास भई न्यूनतम पारिश्रमिकमा वृद्धि हुन गएकोले आर्थिक भार बढ्न गएको, बैकको ब्याज बढ्न गई आर्थिक भार बढ्न गएको लगायतका समस्या छन् ।
डेरी सञ्चालकले गोठ देखि सुधार नगरेर दुधको गुणस्तर सुधारका लागि समस्या हुने औल्याएका थिए । उनीहरुले राज्यले दुध उत्पादन गर्ने किसानदेखि डेरी सञ्चालक समेतलाई अनुदानको व्यवस्था हुनुपर्ने लगायतका माग समेत रहेका थिए ।
विस २०५५ सालमा स्थापना भएको नेपाल डेरी एसोसियशन ७७ जिल्लामा विस्तार भइसकेको छ । हाल देशभरका २५० डेरी उद्योगहरु यसमा आवद्ध रहेका छनर । सात ओटा प्रदेश प्रदेशिक कार्यालय स्थापनामा निरन्रतर क्रियाशिल रहेको छ ।